Субота: аб прафесіях і турызме
23.05.2021
У рамках прафарыентацыйнага дня 22 мая ва ўстанове была праведзена дыягностыка “Пераход у сярэдняе звяно” вучняў 4 класа, сюжэтна-ролевая гульня па прафесіі журналіста “Мы пішам у часопіс” для вучняў 1-4 класаў, дзе дзеці змаглі пабыць у ролі журналістаў і паспрабавалі ўзяць інтэрв’ю ў працаўнікоў школы. Дзеці зрабілі вывад, што журналістам быць складана, але вельмі цікава і карысна. У 6 класе прайшоў вучнёўска-бацькоўскі сход “Свет прафесій, ці якія дзверы адчыніць”, дзе класны кіраўнік Амбражук Л.М. паглыбіла веды дзяцей аб шматлікіх сучасных прафесіях.
Згодна плана на шосты школьны дзень ва ўстанове прайшлі факультатыўныя заняткі, заняткі аб’яднанняў па інтарэсах, кансультацыя па хіміі, грамадска-карысная праца, пад час рабяты стваралі новыя кветнікі на прышкольным участку, пасяджэнне клуба “Лідар”.
Адзінаццаць вучняў выпускнога класа трымалі кваліфікацыйны экзамен за курс прафесійнай надрыхтоўкі ў рамках вучэбнага прадмета “Працоўнае навучанне”.
Члены піянерскай дружыны “Неспакойныя сэрцы” прынялі ўдзел ва ўрачыстым сборы “Дзень піянерскай дружбы”, на якім абмеркавалі хвалюючыя пытанні па рабоце нашай дружыны. Пад час сбору былі адзначаны самыя актыўныя піянеры і акцябраты па выніках 2020/2021 навучальнага года: Жалезная Таццяна, Наумік Кацярына, Занька Анастасія, Жалезны Эдуард, Жалезная Сафія, Занька Ларыса, Калдаеў Іван.
У рамках Тыдня турызма і краязнаўства, прысвечанага Году народнага адзінства, ва ўстанове 22 мая прайшлі спартыўна-забаўляльныя спаборніцтвы “Дзень турыста”. Пад час спаборніцтваў рабяты змагаліся ў конкурсах “Збяры палатку”, “Навясная пераправа”, “Мышалоўка” і іншыя. Правядзены Дзень турызма стаў завяршальным этапам падрыхтоўкі каманды нашай установы да ўдзелу ў раённым турыстычным злёце, які пройдзе 24-25 мая.
Вучань 8 класа Сідаровіч Эдуард стаў удзельнікам абласной алімпіяды па інфарматыцы, а Жалезны Эдуард прыняў ўдзел у раённым конкурсе “Інтэлектуал-2021” сярод вучняў 7 класаў, які прайшоў у РЦДЮТ.
А.Ю. Рылка,
намеснік дырэктара
па асноўнай дзейнасці