Званы Хатыні
22.03.2021
У дзень памяці трагедыі Хатыні, 22 сакавіка, у нашай установе адукацыі класны кіраўнік 4 класа Занька Л.У. запрасіла вучняў на мерапрыемства «Званы Хатыні». Дзеці пазнаёміліся з гісторыяй Хатыні і жудаснай трагедыяй, якая напаткала гэту вёску: ад рук фашысцкіх катаў загінулі амаль усе яе жыхары. Аповед суправаджаўся прэзентацыяй-успамінамі адзінага сведкі хатынскай трагедыі Язэпа Камінскага. Вучні здзейснілі віртуальнае падарожжа па мемарыяльным комплексе «Хатынь», даведаліся пра яго стварэнне, асаблівасці архітэктурна-мастацкага збудавання.
Хатынь – не проста старонка Вялікай Айчыннай вайны, гэта знак вялікай трагедыі, наш боль.
А.Ю. Рылка,
намеснік дырэктара
па асноўнай дзейнасці