І будзе жыць Хатынь
20.03.2021
У сучасным свеце мабыць няма чалавека, які б не чуў слова «Хатынь». Ні на адной самай падрабязнай геаграфічнай карце вы не знойдзеце сёння гэтай беларускай вёскі. Яна была знішчана фашыстамі 22 сакавіка 1943 года. У нашай установе праходзяць мерапрыемствы да Дня памяці ахвярам Хатыні. 17 сакавіка вучні 7 класа сталі ўдзельнікамі выхаваўчага мерапрыемства «І будзе жыць Хатынь…». 18 сакавіка ў 6 класе адбылося мерапрыемства ў выглядзе відэапанарамы "Адгукнецца ў памяці Хатынь...". Музычнае суправаджэнне, афармленне кабінета, прэзентацыя і відэафільмы - усе гэта садзейнічала эмацыянальнаму ўспрыманню тэмы і мэты ўрока. 19 сакавіка актыў п/а ГА «БРСМ» і члены клуба «Цімур» пад кіраўніцтвам педагога-арганізатара прынялі ўдзел у акцыі «Памяці сясцёр Хатыні». Пад час акцыі рабяты добраўпарадкавалі тэрыторыю абеліска аднавяскоўцам, які загінулі ў гады Вялікай Айчыннай вайны. А вось у 10 класе прайшла класная гадзіна «Дата. Повад. Гісторыя. Трагедыі», дзе вучні вялі размову аб тым, дзе знаходзіцца вёска, хто там пабываў ужо, чыталі вершы па тэме класнай гадзіны. Завяршылася класная гадзіна хвілінай маўчання. 20 сакавіка прайшоў час-рэквіем «Званы Хатыні», які завяршыўся ўдзелам вучняў і настаўнікаў у мерапрыемстве каля абеліска ў рамках раённага аўтапрабегу «Памяці спаленых вёсак», маршрут якога прайшоў і праз нашу вёску.
А.Ю. Рылка,
намеснік дырэктара
па асноўнай дзейнасці