Шматгранная субота
07.03.2021
Згодна плана шостага школьнага дня 6 сакавіка ва ўстанове прайшлі разнастайныя мерапрыемствы. Былі праведзены факультатыўныя заняткі, заняткі ў аб’яднаннях па інтарэсах, заняткі па прафесійнай падрыхтоўцы, пасяджэнне клуба “Прэс-цэнтр”, кансультацыі па геаграфіі, грамадска карысная праца, пад час якой вучні 7 і 9 класаў выраблялі паштоўкі і падарункі матулям да 8 сакавіка.
Прайшлі мерапрыемствы, прысвечаныя Міжнароднаму жаночаму дню: акцыя “Цяпло душы для матулі”, творчая майстэрня “Падарунак матулі”, віншавальныя праграмы “Са святам 8 сакавіка”.
Класным кіраўніком 8 класа Савончыкам У.А. быў арганізаваны дыялог для вучняў 8-11 класаў “Выбар прафесіі – адказны крок”. Размова пайшла пра прафесію бухгалтара. На дыялог была запрошана матуля Наумік І.С., якая працуе бухгалтарам у Люсінскім сельвыканкаме. Ірына Сяргеўна падрабязна расказала дзецям аб сваёй прафесіі, яе важнасці і адказнасці.
Каманда “Эрудыт” 5-7 класаў пад кіраўніцтвам Занька А.І. прыняла ўдзел у раённым інтэлектуальным турніры, які прайшоў у дыстанцыйнай форме.
А.Ю. Рылка,
намеснік дырэктара
па асноўнай дзейнасці