Субота: бацькоўскі універсітэт
18.01.2021
Мерапрыемствы з удзелам бацькоў прайшлі ва ўстанове ў шосты дзень, 16 студзеня. Педагогам-псіхолагам праведзена кансультацыя «Ідэальныя бацькі вачыма дзяцей, ідэальныя дзеці вачыма бацькоў». Класнымі кіраўнікамі праведзены: класны бацькоўскі сход «Развіццё здольнасцей у малодшых школьнікаў» (Дзічка Л.С.), дзе бацькі пазнаёміліся з гурткамі, аб'яднаннямі па інтарэсах, на якіх дзеці маюць магчымасць развіваць свае здольнасці, бацькам былі падрыхтаваны памяткі «Развіццё здольнасцей у малодшых школьнікаў»; час зносін «Крокі насустрач» (Антыкала Н.А.), на якім дзеці разам са сваімі бацькамі абмяркоўвалі, што дапамагае сям'і і што наадварот можа дрэнна ўздзейнічаць на сям'ю.
У гэты ж дзень ва ўстанове згодна плана шостага дня прайшлі: грамадска-карысная праца, пасяджэнне клуба «Цімур», заняткі ў аб'яднаннях па інтарэсах, факультатыўныя заняткі, заняткі па прафесійнай падрыхтоўцы.
На школьным стадыёне прайшло спартыўнае свята "Дзень лыжніка", падрыхтаванае настаўнікамі фізічнай культуры. Каманда нашай установы «Эрудыт» прыняла ўдзел у раённай дыстанцыйнай інтэлектуальнай гульні «Што? Дзе? Калі?» і заняла 2-е месца сярод дзесяці каманд-удзельніц.
5 вучняў 10-11 класаў прынялі ўдзел у рэпетыцыйным тэсціраванні.
А.Ю. Рылка,
намеснік дырэктара
па асноўнай дзейнасці