Прафарыентацыйная субота
26.10.2020
Прафарыентацыйныя мерапрыемствы ў рамках шостага школьнага дня прайшлі ва ўстанове 24 кастрычніка. Класнымі кіраўнікамі праведзены: гульня-практыкум “Знаёмства з прафесіяй бібліятэкара”, пад час якой вучні пачатковых класаў наведаліся ў школьную бібліятэку, дзе іх сустрэла бібліятэкар Занька З.Р., якая расказала аб сваёй працы, значнасці яе прафесіі; прафарыентацыйная гульня “Знайдзі сябе”, дзе вучні 5-7 класаў суадносілі свае здольнасці і ўменні з патрабаваннямі розных прафесій.
Згодна плана на шосты школьны дзень прайшлі факультатыўныя заняткі, заняткі па прафесійнай падрыхтоўцы, аб’яднанняў па інтарэсах, кансультацыя па матэматыцы, грамадска-карысная праца.
Адзначым, што вучні нашай школы ў гэты дзень прымалі ўдзел у фінале абласных спаборніцтваў па футболе на прызы клуба “Скураны мяч”, які прайшоў у г.Брэсце.
Завяршылася школьная субота забаўляльна-танцавальнай праграмай “Рух - жыццё!”, якая была арганізавана для старшакласнікаў у актавай зале школы.
А.Ю. Рылка,
намеснік дырэктара
па асноўнай дзейнасці