Вынікі інтэлектуальнага сезону
10.06.2020
Падведзены вынікі інтэлектуальных гульняў 2019/2020 навучальнага года. Інтэлектуальны сезон выдаўся ўдалым для дзіцячых каманд усіх узроставых груп. Каманда вучняў пачатковых класаў "Маленькі эрудыт" (трэнер В.Р. Жалезная) заняла 3-е месца. Таксама сталі трэцімі каманда дзяцей (5-7 класы) і каманда юніёраў (10-11 класы), а каманда ювеналаў (8-9 класы) дасягнула 2-й прыступкі (трэнер А.І.Занька). У агульнакамандным заліку наша ўстанова заняла 3-е месца, саступіўшы толькі калектывам гімназіі і СШ №3 г. Ганцавічы.
Не менш паспяховым стаў сезон і для каманды педагогаў "Праметэй", якая па выніках трох гульняў змагла заняць 2-е месца (мацнейшымі былі толькі каманды гімназіі і СШ №3, якія падзялілі паміж сабою першынства).
Усе каманды ўзнагароджаны граматамі раённага аддзела па адукацыі Ганцавіцкага райвыканкама.
А.І.Занька,
настаўнік інфарматыкі,
кіраўнік клуба "Эрудыт"