ШАГ 9: “Будучае Радзімы будаваць маладым”
21.05.2020
Апошні ў гэтым навучальным годзе адзіны дзень інфармавання прайшоў 21 мая ва ўстанове для вучняў 8-11 класаў. Тэма ШАГа 9 “Будучае Радзімы будаваць маладым”. Класнымі кіраўнікамі 8-11 класаў былі падрыхтаваны матэрыялы для дзяцей па дадзенай тэме. Інфармацыйныя гадзіны прайшлі ў форме on-line, ШАГ быў праведзены дыстанцыйна.
Класнымі кіраўнікамі 8, 9 і 10 класаў абмеркаванне матэрыялаў і пытанняў дня інфармавання праведзены ў сацыяльнай сетцы “Вконтакте”, а класным кіраўніком 11 класа ў месенджары “Viber”.
Вучням была прапанавана прэзентацыя па тэме ШАГа. Настаўнікі пазнаёмілі вучняў з рэспубліканскімі праектамі і акцыямі “Цветы Великой Победы», «Собери Беларусь в своем сердце», «Украсим Беларусь цветами», і іншыя. У чаце прайшло абмеркаванне ўдзелу ў дадзеных акцыях і праектах вучняў нашай установы. Таксама была абмеркавана работа моладзевых грамадскіх аб’яднанняў у нашай установе “БРСМ” і “БРПА”.
У ходзе гутаркі былі разгледжаны такія пытанні, як “У чым на ваш погляд праяўляецца актыўная грамадзянская пазіцыя моладзевага руху?”, “Якія жыццёвыя планы маладога беларуса?” і іншыя. Вучаніца 11 класа Занька Аліна адказала, што сучасны малады чалавек – гэта справядлівы, чэсны, адказны, які прымае ўдзел у рэспубліканскіх моладзевых акцыях і мерапрыемствах, жадае добра рэалізаваць сябе ў жыцці. А вось вучаніца 10 класа Агалец Дзіяна дала наступны партрэт сучаснага маладога чалавека – эрудзіраваны, с пачуццём гумару, які марыць стварыць сваю сям’ю, займаецца самаадукацыяй і спортам, працуе і дапамагае бацькам. Вучаніца 8 класа Занька Ларыса выказала наступныя думкі па тэме ШАГа: актыўная грамадзянская пазіцыя беларускай моладзі праяўляецца ў гатоўнасці прысвяціць сваё жыццё сваёй краіне, абараняць яе незалежнасць і суверэнітэт, быць сапраўдным патрыётам сваёй краіны.
А.Ю.Рылка,
намеснік дырэктара
па асноўнай дзейнасці