Прафарыентацыйная субота
27.01.2020
25 студзеня, у шосты школьны дзень, у адпаведнасці з раскладам прайшлі факультатыўныя заняткі па геаграфіі ў 9 класе. Настаўнік Сіроткіна А.Р. правяла кансультацыі па гісторыі для вучняў. Вучні 10-11 класаў прадоўжылі заняткі па прафесійнай падрыхтоўцы ў рамках вучэбнага прадмета "Працоўнае навучанне". Вучні 5-9 класаў прынялі ўдзел у рамонце наглядных і вучэбных дапаможнікаў у школьнай бібліятэцы.
Асноўныя мерапрыемствы суботы былі накіраваны на прафарыентацыю навучэнцаў. Так, пад кіраўніцтвам педагога сацыяльнага Занька А.А. вучні 5-7 класаў наведалі Люсінскую амбулаторыю агульнай ўрачэбнай практыкі, дзе з імі змястоўную бяседу правялі стаматолаг Локтыш С.П. і медсястра Крупеніч В.А. Настаўніца Занька Л.У. для вучняў-пачаткоўцаў арганізавала сустрэчу з шэф-поварам школьнай сталовай Жалезнай М.У. Дзевяцікласнікі разам са сваім класным кіраўніком Стрыжыч А.К. сталі ўдзельнікамі экскурсіі, праведзенай ва ўстанове адукацыі "Ганцавіцкі дзяржаўны прафесійны ліцэй сельскагаспадарчай вытворчасці".
У гэтую суботу пачаўся ІІ этап рэпетыцыйнага тэсціравання. 5 вучняў школы прынялі ўдзел у іспытах па хіміі.
Прыемныя навіны прыйшлі з РЦДЮТ, дзе адбыліся спаборніцтвы па шашках у рамках раённай спартакіяды школьнікаў: каманда нашай установы стала пераможцай.
А.Ю.Рылка,
намеснік дырэктара
па асноўнай дзейнасці