ШАГ: "Я - будучы выбаршчык"
24.10.2019
Вучні 8-11 класаў 24 кастрычніка сталі ўдзельнікамі часа зносін па тэме «Я - будучы выбаршчык» у рамках адзінага дня інфармавання – ШАГ. Настаўнікам гісторыі і грамадазнаўства Сіроткінай А.Р. і вучнямі 11 класа быў падрыхтаваны тэкставы, інфармацыйны матэрыял і пытанні для вучняў і гасцей мерапрыемства.
Гасцямі школы актыўнага грамадзяніна сёння сталі Яська Таццяна Уладзіміраўна, інспектар па кадрах ААТ «Люсіна Агра», старшыня ўчастковай камісіі для галасавання № 56 па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання па Лунінецкай выбарчай акрузе №13, і Рылка Аліна Юр'еўна, намеснік дырэктара па асноўнай дзейнасці ДУА «Люсінскі дз/с - СШ ім. Я. Коласа», дэпутат Люсінскага сельскага Савета дэпутатаў Рэспублікі Беларусь двадцаць восьмага склікання па Люсінскай сельскай выбарчай акрузе №1.
Вучні 11 класа выступілі з міні-паведамленнямі аб арганізацыі выбарчай сістэмы ў Рэспубліцы Беларусь, моладзевым парламентарызме. Госці мерапрыемства выступілі па пытаннях “Арганізацыя выбараў на тэрыторыі Люсінскага сельскага савета” (Яська Т.У.) і “Арганізацыя работы вучнёўскага самакіравання Урада “Краіна будучыні” ва ўстанове адукацыі”. У адрас гасцей вучнямі былі адрасаваны наступныя пытанні: “Якімі якасцямі павінен валодаць дэпутат?” (да Рылка А.Ю.), “Які працэнт удзелу выбаршчыкаў у выбарах на тэрыторыі нашага сельскага савета?” (да Яська Т.У.) і іншыя.
А.Ю.Рылка,
намеснік дырэктара
па асноўнай дзейнасці