У школу з добрым сэрцам
10.09.2019
Рабіць добрыя справы для тых, каму яны асабліва неабходныя, – дэвіз валанцёраў БРСМ “Добрае Сэрца”. Таму кожны год на пачатак навучальнага года ГА “БРСМ” і валанцёрамі “Добрага сэрца” арганізоўваецца дабрачынная акцыя “У школу з Добрым сэрцам”. У нашай установе ў рамках акцыі валанцёрамі быў арганізаваны збор канцылярскіх і спартыўных прыладаў, тавараў для дзіцячай творчасці, развіваючых настольных гульняў, навучальных дапаможнікаў. У акцыі прынялі актыўны ўдзел не толькі вучні, але і іх бацькі і настаўнікі. У выніку было сабрана шмат канцэлярскіх прылад, цукерак, развіваючых гульняў, якія пасля былі сфарміраваны ў падарункі. Гэтыя падарункі былі ўручаны дзецям са шматдзетных, малазабяспечаных і няпоўных сем’яў нашай вёскі. Акцыя дапамагла сфарміраваць у вучняў пачуцці гуманнасці і міласэрнасці, спагады і дабрыні. Рабіце дабро і яно абавязкова вернецца да вас.
Занька Аліна,
сакратар п/а БРСМ