ШАГ: Беларусь спартыўная
23.05.2019
23 мая ва ўстанове адукацыі прайшоў Адзіны дзень інфармавання па тэме “Беларусь спартыўная”. Мерапрыемства праводзілася ў форме ток-шоу “Сто пытанняў да дарослага”. На сустрэчу з вучнямі прыйшоў настаўнік фізічнай культуры і здароўя Жалезны Уладзімір Аляксандравіч, які мае за плячыма шмат вопыту і дасягненняў у спартыўных спаборніцтвах абласнога і рэспубліканскага ўзроўню.
На пачатку ток-шоу настаўніца гісторыі Сіроткіна А.Р. у ролі вядучай пазнаёміла прысутных са зместам інфармацыйных блокаў:
«Спорт – візітная картка Беларусі»;
«Еўрапейскія гульні: спорт яднае кантынент»;
«Беларусь сустракае II Еўрапейскія гульні».
Затым прайшло абмеркаванне атрыманай інфармацыі, у ходзе якога вучні 8-11 класаў змаглі задаць пытанні як Сіроткінай А.Р., так і Жалезнаму У.А.
У канцы мерапрыемства былі падведзены вынікі, а рабяты падзяліліся сваімі планамі аб наведванні Еўрапейскіх гульняў у г. Мінску.
А.Ю.Рылка,
намеснік дырэктара
па асноўнай дзейнасці