У Мінску і Жодзіне
12.05.2019
Забаўляльна-пазнавальная экскурсія ў г.Мінск і г.Жодзіна была арганізавана настаўнікамі нашай установы 11 мая. Яе ўдзельнікамі сталі 28 вучняў з 1 па 10 класы. У сталіцы экскурсанты наведалі Дзяржаўны музей Вялікай Айчыннай вайны, дзе даведаліся шмат новага аб самай жудаснай вайне ХХ стагоддзя, пазнаёміліся з многімі экспанатамі. Быў наведаны таксама спартыўна-забаўляльны цэнтр “Містэрыя”: тут рабяты змаглі павесяліцца, займаючыся на батутах.
Пасля Мінску адправіліся ў г. Жодзіна на ААТ “БелАЗ”. Для дзяцей была арганізавана аглядавая экскурсія па тэрыторыі завода і завадскога музея. Кульмінацыйным момантам для дзяцей стала магчымасць пабываць на самым вялікім аўтамабіле – БелАЗе грузападымальнасцю ў 460 тон. Напрыканцы ўсе ўдзельнікі экскурсіі атрымалі сувеніры.
Л.У.Занька,
настаўнік пачатковых класаў