Прафарыентацыйная субота
25.02.2019
Кожную чацвёртую суботу ва ўстанове праходзяць прафарыентацыйныя мерапрыемствы. Вось і 23 лютага ў рамках прафарыентацыйнай суботы ў школе былі праведзены мерапрыемствы: гутарка з элементамі гульні “Кім быць” для 1-4 класаў, дзе прайшоў майстар клас прафесіі хіміка, для вучняў 5-7 класаў праведзена гульнёвая праграма “Я і свет прафесій”, а для старшакласнікаў прайшоў відэалекторый “Я і мора прафесій”. Пад час мерапрыемстваў вучні пашырылі свае веды аб сучасных прафесіях, іх ролі ў жыцці чалавека.
У гэты ж дзень ва ўстанове прайшлі факультатыўныя заняткі ў 9, 11 класах, прадметныя кансультацыі па інфарматыцы, заняткі ў аб’яднаннях па інтарэсах. Пад час грамадска-карыснай працы прайшла акцыя “Дапаможам пярнатым”.
Закончыўся дзень вечарам адпачынку для вучняў 8-11 класаў “Хлопцы на ўсе 100!”, пад час якога юнакі былі павіншаваны з Днём абаранцы Айчыны.
Прыемныя навіны прыйшлі з РЦДЮТ. Тут адразу дзве нашы каманды сталі прызёрамі раённых спаборніцтваў: каманда “Эрудыт” заняла 1-е месца ў інтэлектуальнай гульні “Што? Дзе? Калі?”, а каманда шашыстаў стала трэцяй у першынстве раёна па рускіх шашках.
А.Ю.Рылка,
намеснік дырэктара
па асноўнай дзейнасці