Дзень роднай мовы
22.02.2019
21 лютага ў многіх краінах адзначаецца Міжнародны дзень роднай мовы. Мерапрыемствы, прысвечаныя дню роднай мовы, прайшлі і ў нашай установе: класным кіраўніком 8 класа Стрыжыч А.К. праведзена класная гадзіна “Дзень роднай мовы”, педагогам-арганізатарам Занька М.В. разам з актывам п/а ГА “БРСМ” праведзена акцыя “Я люблю родную мову”. Заключным мерапрыемствам дня стаў раённы літаратурны конкурс “Загадкавая краіна паэзія”.
Стала традыцыйным правядзенне літаратурнага конкурсу на базе школьнага літаратурна-этнаграфічнага музея Якуба Коласа. Штогод збіраюцца аматары паэзіі і прозы беларускіх пісьменнікаў у нашай установе. Прыемна тое, што кожны год бачыш новых удзельнікаў конкурсу. Гэтае мерапрыемства пакідае надзвычай добрыя ўражанні як ва ўдзельнікаў конкурсу, так і ў іх настаўнікаў. Хочацца адзначыць, што ў гэтым годзе граматай за 2 месца быў узнагароджаны і наш вучан - Калдаеў Іван. Усім удзельнікам конкурсу ўручаны сертыфікаты, а іх кіраўнікам - падзячныя пісьмы.
А.Ю.Рылка,
намеснік дырэктара
па асноўнай дзейнасці