Памяць пра Афган
15.02.2019
Роўна 30 гадоў назад, 15 лютага 1989 года, савецкія войскі былі выведзены з Афганістана, і вайна, якая доўжылася 10 гадоў, скончылася. У памяць аб гераічным подзвігу нашых ваенных, і аддаючы даніну павагі іх подзвігу, ва ўстанове адукацыі на працягу Тыдня «Пакуль мы памятаем – мы жывём» прайшлі разнастайныя мерапрыемствы, праведзеныя класнымі кіраўнікамі, педагогам-арганізатарам, п/а ГА “БРСМ”, “БРПА”: гадзіна ўспамін “Воіны-інтэрнацыяналісты – нашы землякі” правяла Занька Л.У. у 2 класе, у 6 класе Савончык У.А. правёў інфармацыйную гадзіну “Дзень воінаў-інтэрнацыяналістаў”, Стрыжыч А.К. правяла класную гадзіну “З полымя Афгана” у 8 класе, у 11 класе Віктаровіч Н.К. правяла класную гадзіну “30 год з дня вываду савецкіх войск з Афганістана”. 14 лютага, напярэдадні дня ўшанавання воінаў-інтэрнацыяналістаў п/а ГА “БРПА”, “БРСМ”, валанцёрамі атрада “Добрае сэрца” праведзены час-рэквіем “Душы, апаленыя вайной”, на якім быў прадстаўлены відэяфільм аб афганскай вайне і яе воінах. У ходзе мерапрыемства абмеркаваны лёс воінаў-інтрэнацыяналістаў нашых аднавяскоўцаў, хвілінай маўчання ўшанавалі памяць загінуўшых воінаў.
М.В.Занька,
педагог-арганізатар