Суботні калейдаскоп
09.12.2018
У суботу, 8 снежня, ва ўстанове праведзены заняткі ў аб’яднаннях па інтарэсах, факультатыўныя заняткі, прадметныя кансультацыі па грамадазнаўству. Пад час грамадска-карыснай працы прайшла акцыя “Упрыгожым школу да Новага года”.
У другую суботу месяца традыцыйна праводзіцца Дзень здароўя. Педагогам-псіхолагам Цялушко Н.А. праведзена кансультацыя “Эмоцыі – нашы сябры ці ворагі?”. Класныя кіраўнікі арганізавалі для вучняў зімовыя гульні і забавы. У спартыўнай зале прайшлі спаборніцтвы па валейболе, арганізаваныя настаўнікам фізічнай культуры і здароўя Наумік М.А.
Каманды нашай установы прынялі ўдзел у раённых мерапрыемствах: інтэлектуальнай гульні “Што? Дзе? Калі?” і спаборніцтвах па міні-футболе.
А.Ю.Рылка,
намеснік дырэктара
па асноўнай дзейнасці