Сустрэча з супрацоўнікамі музея Я.Коласа
24.10.2018
Супрацоўнікі дзяржаўнага літаратурна-мемарыяльнага музея Якуба Коласа разам з былым дэпутатам Палаты прадстаўнікоў Нацыянальнага сходу А.У.Свірыдам і начальнікам аддзела па адукацыі Ганцавіцкага райвыканкама Н.У.Здрок 24 кастрычніка наведаліся ў нашу ўстанову. Госці пабывалі ў школьным музеі Якуба Коласа, дзе ім былі прапанаваны экскурсія і пастаноўка “Дырэктар” паводле ўрыўка з паэмы “Новая зямля”. Затым прайшла сустрэча з вучнямі школы: пад час праведзенага лекторыя навуковыя супрацоўнікі сталічнага музея распавядалі аб прыгажосці адносін паэта да жанчын, фарміраванні асобы пісьменніка на працягу жыцця.
Ад сустрэчы засталіся прыемныя ўражанні як у вучняў і настаўнікаў нашай установы, так і ў гасцей з Мінска.
А.Ю.Рылка,
намеснік дырэктара
па асноўнай дзейнасці