У краіне аб'яднанняў па інтарэсах
09.09.2018
Разнастайныя мерапрыемствы прайшлі ва ўстанове ў рамках Тыдня дадатковай адукацыі з 3 па 8 верасня. Вучні 5-7 класаў прынялі ўдзел у анкетаванні “Мой вольны час”. Кіраўнікі аб’яднанняў па інтарэсах правялі прэзентацыю сваіх аб’яднанняў праз наступныя мерапрыемствы: “Прэс-цэнтр” Жалезная В.Р. правяла круглы стол “Журналістыка як від дзейнасці і прафесія”. Валанцёры роўнага навучання пад кіраўніцтвам трэнера Рылка А.Ю. правялі заняткі з элементамі трэнінгу “Жыццё без шкодных звычак” для 8-11 класаў. Жалезная З.І., кіраўнік аб’яднання “Маленькія мастакі”, правяла конкурс малюнкаў “Бывай, лета”. Удзельнікамі аб’яднання па інтарэсах “Спадчына” праведзены экскурсіі для вучняў 5-7 класаў у літаратурна-этнаграфічным музеі Якуба Коласа. Акцыю “Спявай з намі” правяла кіраўнік аб’яднання “Эстрадны вакал” Мядзведская І.І., а кіраўнік аб’яднання па інтарэсах “Фантазія” Клявец В.Л. арганізавала майстар-клас па пляценню з папяровай лазы. Кіраўнік аб’яднання “Эрудыт” Занька А.І. правёў інтэлектуальны турнір “Самы разумны”, удзельнікамі якога сталі вучні 8-9 класаў. Вучні 2-4 і 5-7 класаў прынялі ўдзел у турніры па шашках, які праводзіла кіраўнік аб’яднання па інтарэсах “Белая ладдзя” Наумік М.І.
Вынікам праведзеных мерапрыемстваў стаў асвядомлены выбар вучнямі аб’яднанняў па інтарэсах на гэты і, магчыма, на наступны навучальны год.
А.Ю.Рылка,
намеснік дырэктара
па асноўнай дзейнасці