Трэцяе месца шашыстаў
23.04.2017
22 красавіка ў РЦДЮТ г.Ганцавічы прайшло першынства раёна па рускіх шашках сярод вучняў 2002-2003 г.н. і маладзей, у якім прыняло ўдзел 8 каманд устаноў адукацыі раёна. Паспяхова на турніры выступіла наша каманда, у склад якой ўвайшлі вучні 5 класа Жалезны Іван, Занька Ларыса, Наумік Вікторыя, Клявец Арцём і вучаніца 4 класа Занька Жанна.На сваіх дошках Клявец Арцём заняў 2-е месца, а Занька Ларыса - 3-е месца. І хоць у асабістым заліку нашы шашысты не ўвайшлі у лік прызёраў, але камандны вынік аказаўся выдатным - 3-е месца з 73 набранымі ачкамі. Перамогу ў турніры ўпэўнена атрымала каманда гімназіі (93 ачкі), на другім месцы - каманда Ганцавіцкай СШ (79 ачкоў).
М.І.Наумік,
кіраўнік аб'яднання па інтарэсах
"Шашкі і шахматы"