Навіны шостага дня
05.03.2023
У шосты школьны дзень, 4 сакавіка, ў ДУА "Люсінская сярэдняя школа імя Я.Коласа" для вучняў прайшлі заняткі "Багацце дабрыні", праведзеныя педагогам-псіхолагам А.Ю. Рылка. У час заняткаў дзеці пазнаёміліся з паняццем дабрыні, абмяркоўвалі прыказкі пра дабро, абмяркоўвалі жыццёвыя сітуацыі, дзе неабходна было праявіць дабрыню, а ў завяршэнні стварылі дрэва добрых учынкаў і складалі правілы дабра. На грамадска-карыснай працы дзеці складалі кампазіцыі з вясновых кветак.
У Люсінскім сельскім клубе нашы рабяты сталі ўдзельнікамі забаўляльнай праграмы "Веснавыя кропелькі", якую для іх падрыхтавала загадчык клуба Т.Занька. Дзве каманды "Цюльпаны" і "Ландышы" спаборнічалі ў конкурсах за званне лепшых знаўцаў вясны: адгадвалі назвы кветак, рашалі рэбусы, збіралі вясновыя карціны з пазлаў і іншае. За кожную правільны адказ каманды атрымлівалі кропелькі, з якіх напрыканцы мерапрыемства склалі верш пра вясну.
Ва ўстанове адбыўся бацькоўскі сход па тэме "Адказнасць за ўдзел непаўналетніх у несанкцыянаваных мерапрыемствах". Дырэктар школы В.В.Зялёнка пры сустрэчы з бацькамі спынілася на праблеме паводзін дзяцей за межамі школы, адзначыла важнасць бацькоў ведаць, чым дзеці займаюцца ў вольны час. Размова ішла пра ўзаемадзеянне школы і бацькоў па прафілактыцы недапушчэння ўдзелу дзяцей у несанкцыяваных мерапрыемствах.
Нашы вучні прынялі ўдзел і ў раённых падзеях. У г.Ганцавічы зборная каманда дзяўчынак 8-11 класаў абараняла гонар школы ў фінале раённых спаборніцтваў па валейболе, а інтэлектуальная каманда "Эрудыт" (5-7 класы) стала ўдзельніцай раённага турніру ў РЦДЮТ. Вучаніца 7 класа Агалец Мілана прыняла ўдзел у рабоце раённай школы піянерскага актыву. І самае масавае мерапрыемства прайшло ў сцянах нашай школы: тут адбыўся раённы інтэлектуальны турнір "Што? Дзе? Калі?" "Мудрая сава" для вучняў 8-10 класаў з удзелам сямі каманд Ганцавіцкага раёна. Дарэчы, каманда нашай установы стала пераможцай турніру, кампанію ёй на п'едэстале склалі каманды з СШ №1 і СШ №3 г.Ганцавічы.
А.А. Курылік,
намеснік дырэктара па асноўнай дзейнасці