Коласаўскія чытанні
11.11.2022
11 лістапада ў вялікай зале Ганцавіцкага райвыканкама прайшлі "Коласаўскія чытанні", прысвечаныя 140-годдзю са дня нараджэння класіка беларускай літаратуры Якуба Коласа, першыя гады працы якога (1902-1904) прайшлі ў вёсцы Люсіна. Удзел у мерапрыемстве прыняла і наша школа: гледачам была прадстаўлена імпрэза, прысвечаная працы народнага паэта Беларусі ў нашай вёсцы, ушанаванню яго памяці, сувязі часоў. У ролі маладога настаўніка К.М. Міцкевіча (Якуба Коласа) выступіў вучань 11 класа Іван Калдаеў, а настаўнік інфарматыкі і матэматыкі Аляксандр Занька сыграў Якуба Коласа ў яго сталым узросце. Тэкст за кадрам чытала вучаніца 11 класа Ларыса Занька. Падрыхтавалі нумар настаўнікі беларускай мовы і літаратуры Наталля Антыкала і Людміла Амбражук.
Група ўдзельнікаў "Коласаўскіх чытанняў", сярод якіх і праўнучка Якуба Коласа Васіліна Міцкевіч, наведалі нашу школу, дзе іх гасцінна сустрэлі люсінскія вучні і настаўнікі. А на наступны дзень у сценах нашай школы пройдзе дзіцячы фестываль-конкурс да 140-й гадавіны знакамітага песняра.