ШАГ. “Гонар за Беларусь. Дзяржаўная сістэма прававой інфармацыі”
27.10.2022
27 кастрычніка ў нашай школе адбыўся чарговы занятак для 8-11 класаў у рамках рэалізацыі інфармацыйна-адукацыйнага праекта Школа Актыўнага Грамадзяніна: сустрэча прайшла на тэму “Гонар за Беларусь. Дзяржаўная сістэма прававой інфармацыі (аб забеспячэнні рэалізацыі правоў грамадзян і юрыдычных асоб на атрыманне поўнай, дакладнай i своечасовай прававой інфармацыі)”. Занятак прайшоў з удзелам госця – Амрэйчык Святланы Анатольеўны, юрыста ААТ “Люсіна-Агра”.
Класны кіраўнік 10 класа Савончык Уладзімір Аляксандравіч пад час абмеркавання першага інфармацыйнага блоку “Дзяржаўная сістэма прававой інфармацыі” нагадаў вучням аб унясенні змен у Канстытуцыю і пазнаёміў дакладна з артыкуламі, якія закранаюць Дзяржаўную сістэму прававой інфармацыі. Уладзімір Аляксандравіч падкрэсліў, як неабходна і вельмі важна карыстацца дакладнай і афіцыйнай інфармацыяй, якая становіцца даступнай, дзякуючы сучасным сродкам і інфармацыйным інтэрнэт-рэсурсам.
Вучаніцы 10 класа Занька Жанна і Наумік Кацярына пазнаёмілі прысутнічаючых з мэтай і задачамі дзейнасці Нацыянальнага цэнтра прававой інфармацыі і магчымасцях Дзяржаўных інфармацыйна-прававых рэсурсаў. Таксама вучаніцы паведамілі аб наяўнасці магчымасці карыстацца прававымі інфармацыйнымі рэсурсамі у сацыяльных сетках.
Святлана Анатольеўна расказала вучням аб аказанні дапамогі грамадзянінам, якія звяртаюцца за юрыдычнай кансультацыяй, якім чынам вядзецца аналіз заканадаўчых актаў і пастаноў, а таксама своечасовае інфармаванне работнікаў. Адказваючы на пытанне вучняў, як жыць сучаснаму чалавеку ў разнастайным інфармацыйным патоку, Святлана Анатольеўна адзначыла, па-першае, крытычна ставіцца да любой інфармацыі і аналізаваць яе з дапамогай афіцыйных сродкаў, па-другое, заўсёды цікавіцца навінамі ў сістэме прававой інфармацыі.
