Шосты школьны дзень
18.09.2022
У рамках шостага школьнага дня вучні нашай школы прынялі ўдзел у шэрагу мерапрыемстваў. Класны кіраўнік 6 класа Сіроткіна Алена Рыгораўна дапамагла вучням вызначыць, якая прафесія падыходзіць кожнаму з іх. Рабяты, якія наведалі гульню-разважанне “Усе прафесіі важныя, усе прафесіі патрэбныя” разам з Рылка Алінай Юрьеўнай, упэўнена могуць усім сказаць, што для жыцця павінны ў свеце існаваць усе прафесіі.
Школьная субота была напоўнена справамі ў рамках дэкады да Дня народнага адзінства. Да гэтага свята прымеркаваны піянерскі збор “Маленькія грамадзяне вялікай краіны”: вучні 5 класа ўступілі ў рады ГА “БРПА”. Каманда “Эрудыт” (трэнер Занька Аляксандр Іванавіч) паспяхова ўзяла старт у новым інтэлектуальным марафоне, заняўшы 1 месца на раённым інтэллектуальным турніры для ювеналаў (8-9 класы): першыя два туры турніру былі прысвечаны гісторыі нашай краіны.
Самым масавым мерапрыемствам стала спартыўнае спаборніцтва па біятлоне “Наша сіла ў адзінстве”, якое прайшло на школьным стадыёне. Бег на лыжэролерах, стральба, эмоцыі хвалявання і радасці, дзіцячы смех і воклічы падтрымкі – гэта ўсе тое, што аб’яднала нашых вучняў 17 верасня ў Дзень народнага адзінства. Дзякуючы Жалезнаму Уладзіміру Аляксандравічу, настаўніку фізічнай культуры і здароўя, мерапрыемства атрымалася выніковым і па-сапраўднаму святочным.
А.А. Курылік,
намеснік дырэктара па асноўнай дзейнасці