Старт новага навучальнага года
01.09.2022
1 верасня прайшла ўрачыстая лінейка, прысвечаная пачатку новага навучальнага года. На школьнай пляцоўцы сабраліся вучні, настаўнікі, бацькі. Напачатку пасля ўзняцця Дзяржаўнага сцяга ўсе разам выканалі Дзяржаўны гімн Рэспублікі Беларусь. З прывітальнымі словамі да прысутных выступілі: дырэктар школы В.В. Зялёнка, старшыня Люсінскага сельвыканкама В.А. Шкут, галоўны рэдактар раённай газеты "Савецкае Палессе" Г.М. Пупач, настаўнік пачатковых класаў З.І. Жалезная, ад імя бацькоў - І.У. Канановіч. Галоўная ўвага, па добрай традыцыі, на лінейцы - самым маленькім вучням - першакласнікам - і іх старэйшым сябрам - вучням выпускнога класа. Першы званок, які прагучаў, даў старт новаму 2022/2023 навучальнаму году.
Пасля лінейкі ў класах прайшлі першыя ўрокі пад агульнай тэмай "Гістарычная памяць - дарога ў будучыню". Класнымі кіраўнікамі таксама былі праведзены ўрокі бяспекі. А вучні 10-11 класаў атрымалі магчымасць прагледзець прамую трансляцыю першага ўрока з удзелам Прэзідэнта Рэспублікі Беларусь А.Р. Лукашэнкі.
