Свята апошняга званка
30.05.2022
Урачыстая лінейка, прысвечаная святу апошняга званка, прайшла ва ўстанове 30 мая. Вучні, настаўнікі, бацькі сабраліся разам у актавай зале школы, дзе падвялі вынікі вучэбных дасягненняў 2021/2022 навучальнага года, павіншавалі выпускнікоў 11 класа, віталі лета. На лінейцы прысутнічалі паважаныя госці: начальнік крымінальнага вышуку Ганцавіцкага РАУС Дмітрый Іванавіч Юрчык, старшыня Люсінскага сельскага выканаўчага камітэта Вячаслаў Аляксандравіч Шкут, галоўны дзяржаўны санітарны ўрач Ганцавіцкага раёна Максім Пятровіч Поўх. Свята апошняга званка ў 2022 годзе асабліва тым, што ў Год гістарычнай памяці наша школа адпраўляе ў дарослае жыццё 10 юнакоў і дзяўчат, выпускнікоў 11 класа.
Завяршылася лінейка апошнім званком. Права даць апошні званок было прадастаўлена вучню 11 класа Антыкала Станіславу і вучаніцы 1 класа Сяргейчык Аляксандры.
А.Ю. Рылка,
намеснік дырэктара па асноўнай дзейнасці
ФОТАРЭПАРТАЖ