Апошняя субота навучальнага года
29.05.2022
Прафарыентацыйная субота прайшла ва ўстанове 28 мая. У 6 класе праведзены прафарыентацыйны занятак "Прафесія на ўсе часы". Самая важная, патрэбная, запатрабаваная прафесія ва ўсе стагоддзі - прафесія доктара, лекара. Прафесія лячыць людзей і ратаваць чалавечыя жыцці. Вучні сустрэліся з урачом агульнай практыкі Люсінскай амбулаторыі Муха Дар'яй Віктараўнай. Сустрэча праходзіла ў форме дыялогу. Шасцікласнікі даведаліся, у якіх навучальных установах атрымліваюць дадзеную прафесію, чаму вучацца будучыя ўрачы па 6-7 гадоў і працягваюць сваё навучанне на працягу ўсёй прафесійнай дзейнасці, пастаянна сочаць за зменамі. Дар'я Віктараўна пацікавілася, якія ўрачэбныя спецыяльнасці лекараў вучні ведаюць, і пашырыла іх спіс. Яна распавяла, як цікава і адначасова складана вучыцца ў медыцынскім універсітэце, успомніла некаторыя выпадкі з яе студэнцкага жыцця. Вучні абмеркавалі асобасныя якасці, якімі павінен валодаць сапраўдны лекар. Наша госця расказала некалькі гісторый са свайго асабістага вопыту.
Вучні 8 класа ў рамках шостага дня сталі ўдзельнікамі віртуальнай экскурсіі «Завочнае падарожжа па абласцях Беларусі», дзе шмат цікавых фактаў даведаліся пра выдатныя мясціны Беларусі. Педагог сацыяльны Макарэвіч Ю.С. запрасіла вучняў да ўдзелу ў акцыі «Канікулы без дыму і агню».
Згодна плана выхаваўчых мерапрыемстваў у шосты школьны дзень ва ўстанове былі праведзены: факультатыўны занятак па геаграфіі “Зямля Беларуская” для вучняў 9 класа, кансультацыі па матэматыцы для вучняў 9, 11 класаў, грамадска-карысная праца, пад час якой была праведзена акцыя “Пасадзі кветку”. Заняткі ў гуртках “Патрыёт”, “Фантазія”, Прэс-цэнтр”, “Роўны навучае роўнага”, пасяджэнне клуба па інтарэсах “Лідар”.
А.Ю. Рылка,
намеснік дырэктара па асноўнай дзейнасці