Перадапошняя субота мая
22.05.2022
У рамках бацькоўскага ўніверсітэта ў суботу, 21 мая, класны кіраўнік 1 класа Занька Л.У. правяла круглы стол “Вось і сталі мы на год дарослей” для бацькоў першакласнікаў. Пад час круглага стала бацькі разам з класным кіраўніком абмеркавалі пытанні і складанасці, з якімі сутыкнуліся іх дзеці і яны самыя ў першым класе. Любоў Уладзіміраўна падрыхтавала для бацькоў рэкамендацыі на перыяд летніх канікул.
Згодна плана мерапрыемстваў шостага школьнага дня ва ўстанове прайшлі грамадска-карысная праца, пад час якой вучні пасадзілі кветкі на школьныя кветнікі, заняткі ў гуртках “Патрыёт”, “Роўны навучае роўнага”, “Прэс-цэнтр”, “Фантазія”, факультатыўны занятак па геаграфіі “Зямля Беларуская”, прадметныя кансультацыі па хіміі, пасяджэнне клуба па інтарэсах “Цімур”.
Удзельнікі гуртка “Патрыёт” складвалі на хуткасць пазлы “Мірскі замак”. Валанцёры роўнага навучання правялі занятак па прафілактыцы спажываня наркатычных рэчываў.
Педагог-арганізатар Богдан В.У. запрасіла вучняў на прагляд і абмеркаванне мультфільмаў “Мая бяспека летам”.
Вучаніца 10 класа Занька Ларыса прыняла ўдзел у раённай інтэлектуальнай гульні “Інтэлектуал – 2022” сярод вучняў 10 класаў, дзе стала трэцяй.
Завяршыўся дзень мерапрыемствам “(Не)ноч у музеі дзядзькі Якуба” на базе літаратурнага музея Якуба Коласа.
А.Ю. Рылка,
намеснік дырэктара па асноўнай дзейнасці