Суботні дзень творчых спраў
05.12.2021
4 снежня ва ўстанове прайшлі мерапрыемствы ў рамках дня творчых спраў. Класны кіраўнік 1 класа Занька Л.У. правяла для вучняў пачатковых класаў КТС “Ура! Ура! Ура! Хутка Новы год””, дзе з дапамогай паперы, клея і алоўкаў былі створаны навагоднія падарункі і ўпрыгожванні. Класным кіраўніком 5 класа для вучняў 5-7 класаў была арганізавана навагодняя майстэрня “Зімовая казка”, пад час якой вучні стваралі навагоднія упрыгожванні і кампазіцыі для афармлення сваіх вучэбных кабінетаў.
Згодна плана выхаваўчых мерапрыемстваў у шосты школьны дзень ва ўстанове былі праведзены: факультатыўны занятак па геаграфіі “Зямля Беларуская” для вучняў 9 класа, кансультацыі па біялогіі для вучняў 8-9 класаў, заняткі па прафесійнай падрыхтоўцы для вучняў 10-11 класаў на базе УА “Ганцавіцкі дзяржаўны прафесійны ліцэй с/г прамысловасці”, заняткі ў аб’яднаннях па інтарэсах, пасяджэнне піянерскага клуба “Прэс-цэнтр”, грамадска-карысная праца.
Вучні ўстановы прынялі ўдзел у раённых алімпіядах па вучэбных прадметах: тэхнічная праца, біялогія, гісторыя, матэматыка. Каманда “Эрудыт” прыняла ўдзел у раённым анлайн-турніры інтэлектуальнай гульні “Што? Дзе? Калі?” і заняла 2-е месца.
А.Ю. Рылка,
намеснік дырэктара
па асноўнай дзейнасці