Прафарыентацыйная субота
24.10.2021
Кожную чацвёртую суботу ва ўстанове праводзяцца мерапрыемствы ў рамках дня прафарыентацыі. Так, 23 кастрычніка для вучняў 1-5 класаў праведзена гульня-падарожжа “Свет прафесій”, дзе на кожным прыпынку дзеці знаёміліся з новай прафесіяй. Для вучняў 5-7 класаў была праведзена інтэрактыўная гульня “Я ў свеце прафесій”, пад час якой вучням было прапанавана выбраць адну з прафесій і ўвайсці ў роль. Вучні 8-11 класаў наведалі дзелавую гульню “Перспектыва”, на якой кожны з іх меў магчымасць даказаць, што адна з прапанаваных прафесій з’яўляецца больш перспектыўнай, чым іншыя.
Згодна плана выхаваўчых мерапрыемстваў у шосты школьны дзень ва ўстанове былі праведзены: факультатыўны занятак па геаграфіі “Еўразія - мацярык кантрастаў” для вучняў 9 класа, кансультацыі па беларускай мове для вучняў 5-8 класаў, грамадска-карысная праца, дзе вучні 6 і 7 класаў добраўпарадкоўвалі кветнікі і падграбалі лісце на прышкольнай тэрыторыі; заняткі ў гуртках “Патрыёт”, “Фантазія”, Прэс-цэнтр”, “Роўны навучае роўнага”, пасяджэнне клуба па інтарэсах “Лідар”.
Педагогам-арганізатарам Богдан В.У. і валанцёрамі роўнага навучання і атрада п/а ГА “БРСМ” “Добрае сэрца” у фае 2-га паверха была арганізавана інфармацыйная акцыя “Стоп COVID”
Каманда “Эрудыт” пад кіраўніцтвам педагога дадатковай адукацыі Занька А.І. у складзе 5 вучняў 10-11 класаў прыняла ўдзел у раённым анлайн-турніры інтэлектуальнай гульні “Што? Дзе? Калі?”.
А.Ю. Рылка,
намеснік дырэктара
па асноўнай дзейнасці