Разам мы - Беларусь
17.09.2021
Дзень народнага адзінства адзначалі ва ўстанове 17 верасня. Класныя кіраўнікі Сіроткіна А.Р. і Стрыжыч А.К. правялі святочныя класныя гадзіны “Разам мы - Беларусь”. Бібліятэкар Занька З.Р. запрасіла вучняў на кніжную выставу “Гістарычная памяць народа: з мінулага ў будучыню”. У гэты дзень былі падведзены вынікі школьнага конкурса малюнкаў “Наша моц у адзінстве”, самымі актыўнымі сталі вучні 6 і 7 класаў, лепшыя работы будуць адзначаны граматамі.
Завяршыўся дзень прыемнымі навінамі: калектыў вучняў 1 класа разам з іх першай настаўніцай сталі пераможцамі фотаконкурсу “Разам мы - Беларусь” у намінацыі “Мой клас”. А вучні - удзельнікі фестывалю фальклорнага мастацтва “Вытокі”, які прайшоў ў вёсцы Хатынічы, - узнагароджаны 4 дыпломамі пераможцаў і дыпломам удзельніка. Віншуем вучняў і іх настаўнікаў і жадаем далейшых поспехаў.
А.Ю. Рылка,
намеснік дырэктара
па асноўнай дзейнасці