Пачаўся тыдзень народнага адзінства
13.09.2021
Урачыстая лінейка, прысвечаная адкрыццю Тыдня народнага адзінства, прайшла ва ўстанове 13 верасня. На лінейцы вучні ўзгадалі аб тым, што 2021 год – Год народнага адзінства, а 17 верасня – Дзень народнага адзінства, пазнаёміліся з асноўнымі мерапрыемствамі, якія пройдуць ва ўстанове на гэтым тыдні.
Класны кіраўнік 1 класа Занька Л.У. запрасіла вучняў 1 класа на выхаваўчае мерапрыемства - гульню-падарожжа «Мая Радзіма», прысвечанае Дню народнага адзінства: вучні падарожнічалі па станцыях «Мая малая радзіма», «Сімвалы Рэспублікі Беларусь», «Багацце нашай краіны» і «Мы – беларусы». На кожнай станцыі дзеці даведваліся шмат цікавага і карыснага пра нашу краіну і выконвалі заданні ў форме гульні.
А.Ю. Рылка,
намеснік дырэктара
па асноўнай дзейнасці