Субота: "Бацькоўская гасцёўня"
16.05.2021
Мерапрыемствы ў рамках бацькоўскага ўніверсітэта прайшлі ва ўстанове ў шосты школьны дзень, 15 мая. Для бацькоў 1-11 класаў была арганізавана бацькоўская гасцёўня”, пад час якой перад бацькамі выступілі дырэктар Зялёнка В.В. і намеснік дырэктара па асноўнай дзейнасці Рылка А.Ю. У ходзе гасцёўні былі абмеркаваны пытанні заканчэння вучэбнага года, занятасці дзяцей у летні перыяд. Асноўным пытаннем стала бяспека дзяцей у летні перыяд. Педагогам-псіхолагам Кот Н.В. для бацькоў была праведзена кансультацыя “Арганізацыя вольнага часу дзяцей у перыяд летніх канікул” і падрыхтаваны памяткі “Бяспека дзяцей летам”, якія былі ўручаны ўсім прысутным бацькам.
У гэты ж дзень згодна плана шостага дня ва ўстанове прайшлі: грамадска-карысная праца, дзе былі добраўпарадкаваны школьныя кветнікі, пасяджэнне клуба «Цімур», заняткі ў аб'яднаннях па інтарэсам, факультатыўныя заняткі, заняткі па прафесійнай падрыхтоўцы, кансультацыі па матэматыцы. Педагогам-арганізатарам праведзена гульня-падарожжа “Скарбонка акцябрацкіх скарбаў”, у завяршэнні якой двое вучняў 1 класа былі прыняты ў рады акцябрат.
Кіраўнік аб’яднання па інтарэсах “Спадчына” Антыкала Н.А. запрасіла дзяцей на занятак гуртка, які прайшоў у форме гульні-віктарыны. Асабліва дзецям спадабалася гульня “Паясы”.
Для вучняў 9-11 класаў былі арганізаваны прагляд і абмеркаванне фільма “Мы з будучыні” у рамках культурна-патрыятычнага кінамарафона “Глядзі і памятай”. Многім вучням фільм ужо знаёмы, але з вялікім задавальненнем яны паглядзелі яго сёння. З прапанаваных постэраў для фільма, дзеці выбралі першы, на якім паказаны галоўныя героі ў вялікім плане на фоне полымя вайны.
А вучаніца 5 класа Жалезная Таццяна прыняла ўдзел у раённым турніры “Інтэлектуал – 2021” сярод вучняў 5 класа і стала другой, з чым яе і віншуем!
А.Ю. Рылка,
намеснік дырэктара
па асноўнай дзейнасці