На педсавеце аб экалагічным выхаванні вучняў
07.05.2021
Педагагічны савет па тэме “Педагагічныя ўмовы фарміравання экалагічнай адказнасці вучняў” прайшоў ва ўстанове 6 мая. Педсавет прайшоў у форме дзелавой гульні “Экалагічны калейдаскоп”. Пасяджэнне пачалося з даклада намесніка дырэктара па асноўнай дзейнасці Рылка А.Ю. “Экалагічнае выхаванне школьнікаў у сістэме выхаваўчай работы ўстановы”. Пасля перад педагагічным калектывам выступілі: настаўнік пачатковых класаў Занька Л.У. (“Арганізацыя навукова-даследчай дзейнасці вучняў па эфектыўным выкарыстанні прыроднага матэрыялу ў быту”), якая пазнаёміла прысутных з навукова-практычнай работай “Каштаны – не толькі для вырабаў у школе” і расказала аб карысці каштанаў; кіраўнік метадычнага аб’яднання класных кіраўнікоў Стрыжыч А.К. (“Формы і метады экалагічнага выхавання вучняў”), якая пазнаёміла з рознымі метадамі і формамі экалагічнага выхавання і прадэманстравала апошнія распрацоўкі мерапрыемстваў, якія былі праведзены з вучнямі; кіраўнік адукацыйнага праекта “Зялёныя школы” Жалезная В.Р. (“Фарміраванне экалагічных ведаў і правільных адносін да прыроды праз рэалізацыю адукацыйнага праекта “Зялёныя школы”), якая пазнаёміла з сутнасцю, мэтай і задачамі праекта “Зялёныя школы”, накірункамі работы і расказала аб праведзенай рабоце ў рамках праекта. Падчас практычнай часткі настаўнікам былі прапанаваны праблемныя педагагічныя сітуацыі па экалагічным выхаванні, якія ім было патрэбна рашыць. Завяршылася пасяджэнне прыняццем рашэння па ўдасканаленні работы ўстановы ў экалагічным выхаванні школьнікаў.
А.Ю. Рылка,
намеснік дырэктара
па асноўнай дзейнасці