Суботнія навіны: дзень прафарыентацыі
28.02.2021
Згодна плана на шосты школьны дзень ва ўстанове 27 лютага прайшлі факультатыўныя заняткі па гісторыі Беларусі, “Асновы сямейнага жыцця” і “Даследуючы гуманітарнае права”; заняткі па прафесійнай падрыхтоўцы ў 11 класе; заняткі аб’яднанняў па інтарэсах “Белая ладдзя”, “Спадчына”, “ВЕСТА”, “Маленькі эрудыт”; кансультацыя па сусветнай гісторыі, грамадска-карысная праца, пасяджэнне клуба “Лідар”, кансультацыя для бацькоў “Арганізацыя вольнага часу старшакласнікаў”. Пад час грамадска-карыснай працы вучні 9 класа на вуліцы прыбіралі снег, а вучні 7 класа рамантавалі падручнікі.
У гэты дзень ва ўстанове прашлі прафарыентацыйныя мерапрыемствы: час зносін “Знайсці сябе” для вучняў 8-11 класаў, на якім Антыкала Н.А. прапанавала прафарыентацыйны тэст і пазнаёміла з сучаснымі прафесіямі. Дзічка Л.С. правяла для вучняў 1-4 класаў конкурсную праграму “Мая мара аб будучай прафесіі”, дзе дзеці малявалі малюнкі і гулялі ў гульню “Адгадай прафесію”.
Напрыканцы дня прайшла тэматычная дыскатэка “Жыць здорава”, на якой актыў п/а ГА “БРСМ” арганізаваў гульні і акцыю “Моладзь за ЗЛЖ”.
Вучні нашай установы прынялі ўдзел у раённых мерапрыемствах: пасяджэнні школы піянерскага актыва (Амельяновіч Паліна) і дыстанцыйным інтэлектуальным турніры “Што? Дзе? Калі?” для вучняў 10-11 класаў, па выніках якога нашы эрудыты занялі 3-е месца.
А.Ю. Рылка,
намеснік дырэктара
па асноўнай дзейнасці