Дзень здароўя «Юныя алімпійцы»
14.02.2021
Агульнашкольнае спартыўнае свята “Юныя алімпійцы” прайшло ва ўстанове 13 лютага ў рамках Дня здароўя. Дзве каманды па 6 вучняў “Чэмпіён” і “Пазітыў” змагаліся за званне лешых алімпійцаў. Каманды прайшлі 10 конкурсаў, якія вырашылі пераможцаў. Паміж конкурсамі праводзіліся віктарыны з балельшчыкамі, дзе за кожны правільны адказ дзеці атрымлівалі цукеркі. У выніку ўсіх конкурсаў перамогу атрымала каманда “Чэмпіён”. Усе удзельнікі узнагароджаны граматамі і салодкімі падарункамі. Журы таксама вырашыла адзначыць лепшага балельшчыка – Агалец Мілану, якая таксама атрымала падарунак.
Спасылка відэа са свята https://disk.yandex.ru/i/f3YZ144l3dMZAw
Вучні 1-4 класаў сталі ўдзельнікамі гульні-падарожжа “У краіне загадак”, дзе вызначыліся лепшыя знаўцы загадак, якія атрымалі падарункі.
Згодна плана прайшлі факультатыўныя заняткі, заняткі ў аб’яднаннях па інтарэсах, заняткі па прафесійнай падрыхтоўцы, пасяджэння клуба “Забаўнік”, кансультацыі па рускай мове, грамадска карысная праца, пад час якой вучні 7 і 9 класаў выраблялі сурвэткі рознымі спосабамі.
Каманда “Эрудыт” 10-11 класаў (трэнер Занька А.І.) стала прызёрам у раённым інтэлектуальным турніры, які прайшоў у дыстанцыйнай форме. Неспрыяльныя ўмовы надвор’я не змаглі перашкодзіць вучням і настаўнікам зарадзіцца энэргіяй і пазітывам.
А.Ю. Рылко,
намеснік дырэктара
па асноўнай дзейнасці