Навіны суботы: дзень дзіцячых моладзевых арганізацый
01.02.2021
Згодна плана шостага школьнага дня ва ўстанове 30 студзеня прайшлі факультатыўныя заняткі, заняткі па прафесійнай падрыхтоўцы, кансультацыя па геаграфіі, грамадска-карысная праца, заняткі ў аб'яднаннях па інтарэсах. Пад час грамадска-карыснай працы прайшла аперацыя «Кніжкіна бальніца», на якой вучні 7 і 9 класаў арганізавалі рамонт падручнікаў, кніг, вучэбных дапаможнікаў. А вось удзельнікі гуртка «Белая ладдзя» вывучалі новыя хады ў шахматах.
У гэты дзень класныя кіраўнікі запрасілі вучняў на мерапрыемствы: вучняў 1-4 класаў - на гульнявую праграму «У гасцях у зімушкі-зімы» і віктарыну «Аўтамабіль – мой сябар» да 135-годдзя нараджэння аўтамабіля. Ва ўстанове прайшлі агульнашкольныя мерапрыемствы: гульня-падарожжа «Піянерскія іскры», якую арганізавала педагог-арганізатар для членаў піянерскай дружыны «Неспакойныя сэрцы» і дзі-джэй батл «Танцуюць усе!», які правялі актыў п/а ГА «БРСМ» для вучняў 8-11 класаў. Пад час батла была арганізавана «кофе-пауза»: рабяты змаглі пажартаваць, паласавацца цукеркамі і пагутарыць на цікавыя для іх тэмы.
8 вучняў 11 класа прынялі ўдзел у рэпетыцыйным тэсціраванні. Каманда дзяцей інтэлектуальнага клуба “Эрудыт” (5-7 кл) нашай установы пад кіраўніцтвам Занькі А.І. прыняла ўдзел у раённым дыстанцыйным інтэлектуальным турніры “Што? Дзе? Калі?” і стала другой.
А.Ю. Рылка,
намеснік дырэктара
па асноўнай дзейнасці