У суботу разам з бацькамі
23.11.2020
У рамках рэалізацыі праекта «Бацькоўскі ўніверсітэт» і мерапрыемстваў шостага школьнага дня ва ўстанове 21 лістапада прайшлі мерапрыемствы з удзелам бацькоў: кансультацыя “Як дапамагчы дзіцяці ў вучэбных справах”, пад час якой педагог-псіхолаг дала бацькам парады, як дапамагаць дзецям у выкананні дамашніх заданняў, дадатковых заданняў да ўрокаў; круглы стол “Ці ведаю я сваё дзіця”, дзе бацькам была прапанавана анкета па тэме сустрэчы і падрыхтаваны памяткі для бацькоў; бацькоўскі ўніверсітэт “Асаблівасці дзяцей падлеткавага ўзросту”, на якім былі разгледжаны пытанні фізіялагічных, псіхалагічных, эмацыянальных асаблівасцей дзяцей-падлеткаў і абмеркаваны пытанні па ўсталяванню дабразычлівых адносін з дзецьмі.
Згодна плана шостага дня ва ўстанове прайшлі заняткі ў аб'яднаннях па інтарэсах, факультатыўныя заняткі, кансультацыі па рускай мове, заняткі па прафесійнай падрыхтоўцы, грамадска-карысная праца: акцыя “Падары кнізе жыццё”, пасяджэнне піянерскага клуба “Цімур”. Вучні 5-7 класаў паспрабавалі свае сілы ў спаборніцтвах па валейболе, якія прайшлі ў спартыўнай зале ўстановы.
Каманда “Эрудыт” (5-7 кл) пад кіраўніцтвам Занька А.І. прыняла ўдзел у дыстанцыйным раённым інтэлектуальным турніры “Што? Дзе? Калі?”. Вучні 8-11 класаў удзельнічалі ў ІІ этапе рэспубліканскай алімпіяды па прадметах, заваяваўшы тры прызавыя месцы. Адзінаццацікласнікі праверылі свае веды пад час рэпетыцыйнага тэсціравання.
А.Ю. Рылка,
намеснік дырэктара
па асноўнай дзейнасці