ШАГ1: “Актыўны грамадзянін: мае учынкі – мая адказнасць”
24.09.2020
Першы ў гэтым навучальным годзе адзіны дзень інфармавання “ШАГ 1” прайшоў ва ўстанове 24 верасня па тэме “Актыўны грамадзянін: мае ўчынкі – мая адказнасць”. Класным кіраўніком 9 класа Антыкала Н.А. было падрыхтавана і праведзена мерапрыемства ў форме “сто пытанняў да дарослага: падзеі, факты, каментарыі”. Шаноўным госцем адзінага дня інфармавання стаў кіраўнік аддзела ідэалагічнай работы, культуры і па справах моладзі Віктар Міхайлавіч Супрун.
Сустрэча пачалася са знаёмства вучняў з госцем. Віктар Міхайлавіч падрыхтаваў для прысутных самапрэзентацыю на некалькі хвілінак, ён расказаў аб паслядоўнасці атрымання адукацыі, аб сваёй грамадзянскай дзейнасці, аб педагагічнай дзейнасці, у тым ліку і ў нашай установе адукацыі. Усё паведамленне Віктара Міхайлавіча суправаджалася фотапрэзентацыяй, якую падрыхтавала Наталля Аляксандраўна. Пасля самапрэзентацыі госця ў вучняў узніклі пытанні да Віктара Міхайлавіча: “Хто ў Вашым жыцці адыграў галоўную ролю ў вашым прафесійным самавызначэнні?”, “Чаму Вы выбралі прафесію настаўніка?” і іншыя.
Пасля знаёмства з госцем Наталля Аляксандраўна перайшла непасрэдна да тэмы ШАГа 1. Яна расказала вучням аб канстытуцыйных абавязках – выканенне законаў дзяржавы, павага правоў і законных інтарэсаў грамадзян і інш. Пасля чаго накіравала ў адрас дзяцей пытанні для абмеркавання: “Як вы лічыце, чаму дзяржава, у якой ва ўсіх будуць толькі правы, не зможа існаваць?”, “Як вы лічыце, навошта грамадству патрэбны і прававыя і маральныя нормы?”, “Што такое абавязак? Якія абавязкі ў вас, як у вучняў?”.
Затым Наталля Аляксандраўна перайшла да крымінальнай адказнасці непаўналетніх, пазнаёміла з артыкуламі Крымінальнага Кодэкса Рэспублікі Беларусь, за якія нясуць адказнасць з 14 гадоў. У адрас госця прагучала пытанне: “Што, на вашу думку, цяне падлеткаў парушыць закон?”. Віктар Міхайлавіч назваў шмат фактараў, якія ўплываюць негатыўна на падлеткаў, і асноўным ён вылучыў “сусветную павуціну Інтэрнэт”. Дзеці спыталі ў госця “Дзе ў нашым раёне, акрамя абноўлена стадыёна ДЮСШ, можна заняць сябе моладзі?”. Агалец Дзіяна, вучаніца 11 класа звярнулася да Віктара Міхайлавіча з наступным пытаннем: “Як Вы ўжо сказалі, Вы з’яўляецеся старшынёй Ганцавіцкай раённай арганізацыі “Белая Русь”. Раскажыце, калі ласка, чым займаееца гэта арганізацыя?”. Віктар Міхайлавіч з задавальненнем расказаў пра грамадскую дзейнасць арганізацыі, акцыі, конкурсы і канцэрты, якія праводзяцца па ініцыятыве арганізацыі і парэкамендаваў тым, хто жадае падрабязна пазнаёміцца з працай дадзенай арганізацыі звярнуцца да афіцыйнага сайту.
Ад тэмы правапарушэнняў і злачынстваў вядучая перайшла да тэмы канфліктаў і іх урэгулявання. Наталля Аляксандраўна расказала прысутным пра медзіацыі і іх сутнасць і значэнне. І звярнулася да госця з пытаннем “Віктар Міхайлавіч, а як лічыце Вы, ці патрэбна ў школе служба медзіацыі?”.
Пасля абгуртавання тэмы сустрэчы прайшло бліц-інтэрв’ю з Віктарам Міхайлавічам, дзе вучні адрасавалі наступныя пытанні госцю:
- “Ці зрабілі вы нядаўна тое, чым зараз ганарыцеся” (адказ госця: “Удзел у правядзеені раённых дажынак”)
- “Ці было ў Вас жаданне пакінуць Ганцавічы?” (адказ госця: “Не, ніколі”)
- “Якімі якасцямі павінен валодаць грамадзянін Рэспублікі Беларусь?” (адказ госця “чэснасць, адказнасць”)
І шмат іншых цікавых пытанняў пра Ганцавіцкі раён і сучасную моладзь было адрасавана Віктару Міхайлавічу. Сустрэча была карыснай, змястоўнай, цікавай, важнай. У канцы мерапрыемства Віктар Міхайлавіч пажадаў сучаснай моладзі быць адказнымі, прыслухоўвацца да сваіх бацькоў і настаўнікаў, ганарыцца сваёй малой радзімай.
А.Ю. Рылка,
намеснік дырэктара
па асноўнай дзейнасці