Бацькоўская субота
20.09.2020
Мерапрыемствы ў рамках шостага школьнага дня прайшлі ва ўстанове 19 верасня. Вучні 10 класа наведалі заняткі па прафесійнай падрыхтоўцы ў УА “Ганцавіцкі дзяржаўны прафесійны ліцэй с/г прамысловасці, адзінаццацікласнікі займаліся прафесійнай падрыхтоўкай і наведалі факультатыўныя заняткі ў нашай установе адукацыі. Для вучняў 9 класа прайшлі факультатыўныя заняткі “Даследуючы гуманітарнае права” і “Асновы сямейнага жыцця”.
Пад час грамадска карыснай працы вучні 7 і 9 класаў удзельнічалі ў аперацыі “Кніжкіна бальніца”, дзе рамантавалі падручнікі і дапаможнікі па беларускай мове і літаратуры. А вось удзельнікі гуртка “Спадчына” на занятку аб’яднання па інтарэсах вывучалі побыт люсінцаў: экспанаты побыту ў музеі.
У гэты дзень ва ўстанове прайшлі мерапрымствы ў рамках бацькоўскага дня: класны бацькоўскі сход для бацькоў першакласнікаў “Адаптацыя вучняў 6-гадовага ўзросту да школьных умоў”, класны сход “Адаптацыя пяцікласнікаў да новых умоў навучання” для бацькоў вучняў 5 класа. На бацькоўскіх сходах былі закрануты пытанні адаптацыі вучняў 1 і 5 класаў да новых умоў навучання, бацькам былі даны рэкамендацыі, абмеркаваны пытанні сумеснай дзейнасці на 2020/2021 навучальны год. Педагогам-псіхолагам з бацькамі вучняў 5 класа праведзена кансультацыя-тэсціраванне “На якіх падставах будуюцца вашы адносіны да дзіцяці?”. Прайшла сямейная велаэстафета “Круці пядалі – атрымлівай медалі” у рамках Еўрапейскага тыдня мабільнасці.
Каманды нашай установы прынялі ўдзел у раённым інтэлектуальным турніры гульні “Што? Дзе? Калі?” і першынстве ДУА “Ганцавіцкі РЦДЮТ” па рускіх шашках. Адзначым, што каманда шашыстаў заняла 2-е месца, акрамя таго ў асабістым заліку прызёрамі сталі Занька Аляксандр (3-е месца сярод хлопчыкаў) і Занька Яна (3-е месца сярод дзяўчынак).
А.Ю. Рылка,
намеснік дырэктара
па асноўнай дзейнасці