Чарнобыль - наш агульны боль
24.04.2020
34 гады прайшло з таго страшнага дня, калі па радыё і тэлебачанні абвясцілі аб трагедыі ў Чарнобылі. Кожны год 26 красавіка мы з горыччу і болем успамінаем пра катастрофу, што здарылася на 4-м энергаблоку Чарнобыльскай АЭС ноччу 26 красавіка 1986 года. Катастрофа раптоўна перавярнула жыццё мільёнаў людзей і стала праблемай цэлага свету. Наступствы трагедыі - не толькі сацыяльна-эканамічныя, экалагічныя, але і духоўныя – адчуваюцца дагэтуль. Рэха Чарнобыльскай катастрофы будзе гучаць яшчэ не адно дзесяцігоддзе. Менавіта таму гісторыя гэтай бяды і гісторыя пераадолення яе наступстваў заслугоўваюць таго, каб людзі пра гэта ведалі і памяталі.
У нашай установе на гэтым тыдні прайшлі мерапрыемствы, прысвечаныя ўспамінам чарнобыльскай трагедыі. Класныя кіраўнікі правялі мерапрыемствы, пад час якіх былі абмеркаваны прычыны і наступствы аварыі на Чарнобыльскай АЭС і яе ўплыў на лёсы многіх людзей і нашай краіны ў цэлым: “Трагедыя Чарнобыля”, “Чарнобыль – наш агульны боль” і іншыя. Класным кіраўніком 9 класа Стрыжыч А.К. была праведзена online-віктарына “Чорная зорка “Палын”. Віктарына складалася з 26 пытанняў і трох тураў. Віктарына праводзілась у сацыяльнай сетцы “Вконтакте”, дзе ў створанай настаўнікам гутарцы размяшчаліся пытанні і заданні віктарыны. У 1 туры дзеці адказвалі на пытанні метадам выбару правільнага адказу з некальніх варыянтаў. У 2 туры вучням былі прапанаваны фотаздымкі, па якім патрэбна было адказваць на пытанні. У 3 туры дзецям былі прапанаваны пытанні на веды і мыслянне. Па вынікам віктарыны былі адзначаны самыя актыўныя вучні: Антыкала Станіслаў, Бярдзіеў Вадзім, Цупрык Аліна.
А.Ю. Рылка,
намеснік дырэктара
па асноўнай дзейнасці