ШАГ 7 “Мы – грамадзяне мірнай і творчай краіны”
26.03.2020
Адзіны дзень інфармавання (ШАГ 7) па тэме “Мы – грамадзяне мірнай і стваральнай краіны (Дзень Канстытуцыі Рэспублікі Беларусь)” прайшоў ва ўстанове 26 сакавіка. Вучні 8-11 класаў у сваіх класах пад час гадзіны інфармавання абмеркавалі тры блокі ў дадзенай тэме: “Дзень Канстытуцыі”, “Акцыя “Мы – грамадзяне Беларусі!”, “Дзень яднання Беларусі і Расіі”.
Вучні 9 класа падрыхтавалі ў парах паведамленні па кожнаму блоку і выступілі з імі перад аднакласнікамі. Вучні ва ўсіх класах праглядзелі прапанаваныя настаўнікамі відэаролікі з Паўлам Прылуцкім, “равеснікам незалежнасці Беларусі”, маладым доктарам, а пасля выказалі свае думкі і адносіны. Вучням 9 класа быў прапанаваны і відэаролік пра адзін дзень з жыцця Беларусі.
Перад вучнямі 8 класа у рамках ШАГа выступіў іх аднакласнік Занька Мікіта, які стаў удзельнікам Усебеларускай акцыі “Мы – грамадзяне Беларусі!”, і якому быў уручаны пашпарт Наталляй Качанавай. Мікіта падзяліўся сваімі ўражаннямі ад удзелу ў мерапрыемстве і пажадаў поспехаў сваім аднакласнікам. Пад час ШАГа Мікіце і яго аднакласніцы, Курыловіч Дар’і, былі уручаны білеты членаў ГА “БРСМ”. А яшчэ двум вучням 8 класа, якім споўнілася 14 год, былі ўручаны кнігі “Я – грамадзянін Рэспублікі Беларусь”. Класны кіраўнік 8 класа Антыкала Н.А. расказала вучням аб акцыі “Мы – грамадзяне Беларусі!”, яе значнасці і ролі ў жыцці маладых грамадзян нашай краіны.
Пад час ШАГа ў 9 класе намеснікам дырэктара па асноўнай дзейнасці А.Ю. Рылка былі ўручаны білеты членаў ГА “БРСМ” траім вучням. Аліна Юр’еўна павіншавала новых членаў п/а ГА “БРСМ” з уступленнем у рады моладзевай арганізацыі, пажадала поспехаў у вучобе і актыўнага ўдзелу ў творчым жыцці школы і краіны.
Вучні 10 і 11 класаў са сваімі класнымі кіраўнікамі Сіроткінай А.Р. і Мядзвецкай І.І. пад час ШАГа болей увагі аддалі тэме “Канстытуцыя Рэспублікі Беларусь” і “Дзень яднання Беларусі і Расіі”. Вучні разважалі аб значнасці Саюза Бедарусі і Расіі. Вучаніца 11 класа Занька Аліна падрыхтавала паведамленне “Беларусь і Расія: дзве сястры”.
У канцы мерапрыемстваў вучні 8-11 класаў прапанавалі сваім класным кіраўнікам ідэі па паляпшэнні жыцця ў краіне сіламі маладых. Класныя кіраўнікі ў сваю чаргу пажадалі вучням творчых поспехаў у вучобе, спорце, конкурсах, акцыях.
А.Ю. Рылка,
намеснік дырэктара
па асноўнай дзейнасці