Субота: дзень здароўя
16.03.2020
У суботу, 14 сакавіка, ва ўстанове прайшлі мерапрыемствы у рамках Дня здароўя. З вучнямі 5-7 класаў педагогам сацыяльным Занька А.А. праведзена акцыя “Быць здаровым модна”. Жалезнай Л.У для навучэнцаў пачатковых класаў арганізавана хвілінка здароўя “Падарожжа ў краіну вітамінію”: дзеці абмеркавалі вітаміны, якія знаходзяцца ў садавіне і гародніне. Кейс-стадзі “Здароўе чалавека” з вучнямі 8-10 класаў правяла настаўніца беларускай мовы і літаратуры Антыкала Н.А. Каманда юнакоў завяршыла гульні ў фінальнай стадыі першынства раёна па валейболе, якія прайшлі ў спартыўнай зале па вул. Мантажнікаў г.Ганцавічы: саступіўшы толькі сапернікам з СШ №3 г.Ганцавічы, нашы валейбалісты сталі другімі.
У гэты ж дзень ва ўстанове вучні займаліся у занятках аб’яднанняў па інтарэсах, факультатыве па геаграфіі, прафесійнай падрыхтоўцы. Пад час грамадска-карыснай працы праведзена акцыя “Чысты і ўтульны клас”.
5 вучняў 6 класа і 3 бацькоў сталі ўдзельнікамі прафарыентацыйнай сустрэчы з прадстаўнікамі ўстановы адукацыі “Мінскае сувораўскае ваеннае вучылішча”, якая прайшла ў гімназіі г. Ганцавічы. Каманда юніёраў інтэлектуальнага клуба “Эрудыт” прыняла ўдзел у раённым турніры “Што? Дзе? Калі?” і заняла 4-е месца.
А.Ю.Рылка,
намеснік дырэктара
па асноўнай дзейнасці