Суботнія навіны
01.03.2020
У апошнюю суботу зімы, 29 лютага, ва ўстанове прайшлі змястоўныя і карысныя мерапрыемствы. Занятак з элементамі трэнінгу «Вучымся разумець адзін аднаго» для вучняў 6-7 класаў правялі спецыялісты СППС Шуляк А.В. і Занька А.А. КТС «Цюльпаны – вясеннія кветкі» правяла Занька Л.У. для вучняў пачатковых класаў. Вучні 8-10 класаў прынялі ўдзел у гутарцы-практыкуме «Дарогі, якія мы выбіраем», арганізаванай Сіроткінай А.Р.: яны абмеркавалі спецыяльнасці і правілы прыёму ў вышэйшыя ўстановы адукацыі нашай краіны. Стрыжыч А.К., класным кіраўніком 9 класа, быў праведзены занятак для бацькоў і дзяцей «Дзеці і наркотыкі».
Згодна плана прайшлі факультатыўныя заняткі па геаграфіі, заняткі ў аб’яднаннях па інтарэсам, кансультацыі па беларускай мове і літаратуры, грамадска карысная праца.
У г.Ганцавічы нашы вучні старэйшых класаў у складзе каманды зборнай школы прынялі ўдзел у адборачным туры першынства раёна па валейболе і заваявалі пуцёўку ў фінал, а каманда ювеналаў (8-9 кл) спаборнічала ў абласным асінхронным турніры “Што? Дзе? Калі?”.
Завяршылася школьная субота вечарам адпачынку «Дзі-джэйбатл».
А.Ю.Рылка,
намеснік дырэктара
па асноўнай дзейнасці