Гучы, родная мова!
21.02.2020
Cёння у свеце шмат цудоўных моў. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца пра сваю мову, не шануе яе.
Кожны народ адзначае 21 лютага Дзень роднай мовы. У нашай установе адукацыі ў гэты дзень прайшла класная гадзіна для вучняў 9 класа “21 лютага – Міжнародны Дзень роднай мовы”, дзе вучні абмеркавалі сучасныя праблемы ў размоўнай мове грамадзян нашай краіны. А 4 вучні 5-8 класаў прынялі ўдзел у раённым паэтычным конкурсе “Прысвячэнне малой радзіме”, які прайшоў у РЦДЮТ г. Ганцавічы. Пад час конкурса дзеці чыталі вершы на беларускай мове, якія склалі самі і прысвяцілі іх сваёй малой радзіме. Па вынікам конкурса Наумік Кацярына была ўзнагароджана дыпломам І ступені, Занька Ларыса - дыпломам ІІ ступені, а Жалезны Арцём і Амельяновіч Паліна атрымалі сертыфікаты ўдзельнікаў. Віншуем рабят з паспяховым выступленнем на конкурсе і жадаем росквіту і развіцця нашай роднай мове.
М.В.Занька,
педагог-арганізатар