Суботні калейдаскоп
09.12.2019
У адпаведнасці з планам шостага школьнага дня ва ўстанове прайшлі факультатыўныя заняткі па геаграфіі ў 8 класе, праведзены кансультацыі для вучняў і бацькоў па гісторыі, вучні 10-11 класаў займаліся прафесійнай падрыхтоўкай, прайшлі заняткі ў чатырох аб'яднаннях па інтарэсах.
Педагогам-псіхолагам А.В.Шуляк праведзена інтэлектуальная гульня "Маё здароўе ў маіх руках" для вучняў 6-7 класаў. Падарожжа па казках для вучняў пачатковых класаў арганізавала Л.С.Дзічка. На гадзіну роздуму "Гісторыі моцных духам" заклікала чацвертакласнікаў і пяцікласнікаў Н.К.Віктаровіч. Пад кіраўніцтвам А.Ю.Рылка вучні прынялі ўдзел у калектыўнай творчай справе "На парозе Новы год".
Восем адзінаццацікласнікаў сталі ўдзельнікамі рэпетыцыйнага тэсціравання па беларускай мове на базе гімназіі г. Ганцавічы. Прыемныя навіны прыйшлі з РЦДЮТ: выхаванцы гуртка "Маленькі эрудыт" атрымалі перамогу на раённым інтэлектуальным турніры. Не менш радасныя весткі атрымалі мы з СШ №3 г.Ганцавічы, дзе прайшлі заключныя прадметныя алімпіяды, на якіх нашы вучні тройчы сталі другімі (па геаграфіі, працоўнаму навучанню і фізічнай культуры і здароўі).
А.Ю.Рылка,
намеснік дырэктара
па асноўнай дзейнасці