У суботу аб здароўі і прафесіях
24.11.2019
Згодна плана суботняга дня 23 лістапада ва ўстанове прайшлі факультатыўныя заняткі, грамадска-карысная праца, заняткі ў аб’яднаннях па інтарэсам, прафесійная падрыхтоўка ў 10-11 класах, кансультацыі па беларускай мове для вучняў і бацькоў. . Прайшлі таксама і выхаваўчыя мерапрыемствы: групавая кансультацыя для законных прадстаўнікоў вучняў “Папярэджанне насілля да непаўналетняга” (Занька А.А.), гульнёвы алфавіт “Свет прафесій”, на якім дзеці пазнаёміліся з прафесіяй фельдшара. На гульню была запрошана фельдшар Занька А.У., выпускніца нашай школы. Савончык У.А. правёў “Калейдаскоп прафесій”, куды была запрошана маці аднаго з вучняў Жалезная Н.В., якая працуе прадаўцом у магазіне. Пад час калейдаскопа дзеці падрабязна пазнаёміліся з прафесіяй прадаўца.
У РЦДЮТ прайшло раённае пасяджэнне піянерскага актыву "Лідар", у рабоце якога прынялі ўдзел нашы актывісты - вучні 8 класа Сяргейчык Кацярына і Шапялевіч Настасся. Паспяхова выступіла каманда інтэлектуалаў у раённым турніры “Што? Дзе? Калі?”, заваяваўшы другое месца.
Вучні 11 класа праверылі свае веды ў ходзе рэпетыцыйнага тэсціравання па фізіцы і хіміі, якое прайшло на базе гімназіі г. Ганцавічы. Чатыры вучні школы ў гэты дзень сталі ўдзельнікамі другога этапа рэспубліканскай алімпіяды па гісторыі, хіміі і матэматыцы. На жаль, нікому з нашых вучняў не ўдалося стаць прызёрам. Пажадаем усім поспехаў у далейшым!
А.Ю.Рылка,
намеснік дырэктара
па асноўнай дзейнасці