Кастрычніцкая субота
21.10.2019
Насычанай разнастайнымі мерапрыемствамі была субота, 19 кастрычніка. У рамках шостага школьнага дня ва ўстанове прайшла гульнёвая праграма “Дарожная азбука” для вучняў 5-7 класаў, класны бацькоўскі сход “Папярэднія вынікі 1 чвэрці” правяла Антыкала Н.А., класны кіраўнік 8 класа. А пад час акцыі “Абеліск” у рамках агульнашкольнага суботніка членамі п/а ГА “БРСМ”, валанцёрамі атрада “Добрае сэрца” і вучнямі 5,6,8,9 і 10 класа была прыбрана ад сухога лісця і смецця тэрыторыя парка каля абеліска загінуўшым аднавяскоўцам у часы Вялікай Айчыннай вайны.
Згодна плана суботняга дня ва ўстанове прайшлі заняткі ў аб’яднаннях па інтарэсах, факультатыўныя заняткі і заняткі па прафесійнай падрыхтоўцы. Каманда акцябрат нашай пярвічнай арганізацыі ГА “БРПА” прыняла ўдзел у раённым свяце “Акцябрацкі калейдаскоп”, гульнёвым квэсце “Па слядах Перамогі”. Каманда інтэлектуалаў 5-7 класаў стала ўдзельніцай чарговай раённай інтэлектуальнай гульні “Што? Дзе? Калі?” і паказала трэці вынік.
А.Ю.Рылка,
намеснік дырэктара
па асноўнай дзейнасці