Патрыятычная акцыя
06.05.2019
Акцыю “Мы памятаем! Мы ганарымся!” арганізавалі пад кіраўніцтвам педагога-арганізатара Занька М.В. актыў п/а ГА “БРСМ”, валанцёры атрада “Добрае сэрца” сумесна з членамі піянерскага клуба “Цімур”, пад час якой была аказана пасільная дапамога працаўніцы тыла Рылка Яўгеніі Арцёмаўне. Дзеці прынеслі вады, прыбралі сцежкі ў двары і тэрыторыю каля хаты, павіншавалі жанчыну з надыходзячым святам - Днём Перамогі.
У рамках акцыі былі добраўпарадкаваны індывідуальная і брацкая магілы ў в. Макава, тэрыторыя каля абеліска загінуўшым аднавяскоўцам у гады Вялікай Айчыннай вайны: прарыхлена зямля на кветніках, сабраны сухія галінкі, смецце, падрыхтавана да афарбоўкі агароджа.
Прыемна тое, што дзеці працавалі з жаданнем і з разуменнем таго, што яны робяць добрую справу, тым самым ушаноўваючы памяць загінуўшых у гады Вялікай Айчыннай вайны.
Занька М.В.,
педагог-арганізатар