Боль Чарнобыля
26.04.2019
33 гады прайшло з таго страшнага дня, калі па радыё і тэлебачанні абвясцілі аб трагедыі ў Чарнобылі. Кожны год 26 красавіка ўсё цывілізаванае чалавецтва з горыччу і болем успамінае пра катастрофу, што грымнула на 4-м энергаблоку Чарнобыльскай АЭС ноччу 26 красавіка 1986 года. Катастрофа раптоўна перавярнула жыццё мільёнаў людзей і стала праблемай цэлага свету. Наступствы трагедыі - не толькі сацыяльна-эканамічныя, экалагічныя, але і духоўныя – адчуваюцца дагэтуль. Рэха Чарнобыльскай катастрофы будзе гучаць яшчэ не адно дзесяцігоддзе. Менавіта таму гісторыя гэтай бяды і гісторыя пераадолення яе наступстваў заслугоўваюць таго, каб людзі пра гэта ведалі і памяталі. У нашай установе на гэтым тыдні прайшлі мерапрыемствы, прысвечаныя ўспамінам чарнобыльскай трагедыі. Класныя кіраўнікі правялі мерапрыемствы, пад час якіх былі абмеркаваны прычыны, наступствы аварыі на Чарнобыльскай АЭС і яе ўплыў на лёсы многіх людзей і нашай краіны ў цэлым:“Боль Чарнобыля”, “След чарнобыльскай катастрофы”, “Чарнобыль у сэрцы і памяці народа” і іншыя.
А.Ю.Рылка,
намеснік дырэктара
па асноўнай дзейнасці